Педесетгодишен член на наполитанската мафијашка организација „Камора“ убиен е на плажата во Терецина, летувалиште јужно од Рим.
Ликвидацијата предизвикала голема паника меѓу туристите, јавуваат италијанските медиуми.
Според полицијата убиениот бил намамен во стапица и буквално ликвидиран. Тој лежел на плажата, кога некој му с еја јавил на мобилниот телефон, отишол на улицата во близина на плажата, каде што бил убиен.
Полицијата информира дека биле испукани најмалку пет куршуми, што предизвикало паника и хаос меѓу туристите на плажата во Рим.
Ова лето медиумите пишуваа за разни спректакуларни случувања на брегот во близина на Рим, вклучувајќи го и убиството со девет куршуми во грб на припадникот на „Камора“ кој беше пуштен условно на слобода , а се пишуваше и за бомби кои беа наоѓани од туристите меѓу кабините за преслекување во летувалиштето Остија.