Министерството за внaтрешни работи од денеска започнува со организирање отворени денови во полициските станици.
Службени лица од Секторот за внатрешна контрола и професионални стандарди од МВР ќе им бидат на располагање на граѓаните за нивните поплаки и претставки, како и да им ги појаснат процедурите во рамки на полициското работење.
Во рамки на овие активности денеска министерката за внатрешни работи Гордана Јанкуловска ќе се сретне со надлежните во полициската станица Ранковце каде ќе се информира за работењето, како и за покарактеристичните состојби во регионот што се во надлежност на станицата.