„На стомак“, слетал авионот „ер трактор”, кој учествувал во гаснењето на пожарот кај скопската рафинерија ОКТА.
Пилотот заборавил да ги отвори тркалата на скопскиот аеродром „Александар Велики”.
Пилотот минал без повреди, а авионот е комплетно оштетен и не е за употреба, објави „Вечер“.
За весникот инцидентот го потврдиле од Дирекцијата за заштита и спасување.
Според информациите пилотот неколку часа летал и учествувал во гаснење на пожари на неколку места и тоа му бил последен лет пред да ја заврши смената.
Засега не е познато како и зошто заборавил да ги спушти тркала, а исто нејасено е зошто ниту еден од персоналот на земја не го предупредил.
Трите “ер трактори” беа набавени пред неколку години, а обуката на пилотите ја спроведуваа шпански инструктори.