(ВИДЕО) Фрчкоски: Мицкоски и Славески брзаат да ја продадат Алта банка за џабе – кој ќе ја плати цената?

Од:

Мицкоски и Трајко Славески брзаат да ја продадат Алта банка ама за џабе, нагласи членот на Извршниот одбор на СДСМ, Јон Фрчкоски, на денешната прес конференција. Фрчкоски посочи дека со ваквото брзање се отвора сериозно сомневање дека наместо да се расчисти скандалот, се прави обид банката да се обезвредни и да се продаде за багателна цена, а последиците повторно да ги платат граѓаните.

„Мицкоски и Славески, истите што ја внесоа Алта во Македонија, сега брзаат да ја продадат. Ако на аукцијата нема купувач, цената ќе паѓа. Прво никој нема да се јави, па на крај ќе ја продадат за џабе. Тоа е моделот. А потоа истата банда ќе го обвини СДСМ и за ниската цена. Познат арамиски манир.“ рече Фрчкоски.

На прес-конференцијата Фрчкоски посочи дека се отвора прашањето кој би купил банка која е наоѓа во вака состојба како Алта банка и ги повика институциите да ги заштитат граѓаните.

„Кој ќе купи банка во ваква состојба? Што ако од српска страна се оспори продажната цена и се поднесе тужба? Повторно сметката македонските граѓани ќе ја плаќаат. Институциите мора да реагираат сега и да ги заштитат граѓаните на Македонија. Савески мора да го прекине молкот и да постапи независно и по закон“, рече Фрчкоски.

Воедно, Фрчкоски упати директен повик до јавниот обвинител Ненад Савески да го прекине молкот, да постапи независно и да не дозволи политички притисоци од власта.

„Секое одложување им дава можност на Славески и Мицкоски да го заташкаат случајот, да се уништат докази, записи за трансакции, сметки. Ако Мицкоски му врши притисок, по телефон или на кој било друг начин, Савески нека го каже тоа јавно и нека го одбие.Времето одминува, доколку Савески не постапи ќе стане соучесник, тоа мора да му биде јасно.“ рече Фрчкоски.

Притоа тој потсети дека оминаа 20 дена откако скандалот излезе на виделина и цела недела од поднесувањето на кривичната пријава од СДСМ против гувернерот Славески и други одговорни лица, а Јавното обвинителство сè уште молчи.

„Поминаа 20 дена откако пукна скандалот со Алта банка во Македонија. Помина и цела недела откако СДСМ поднесе кривична пријава против гувернерот Трајко Славески и други одговорни лица. А од јавниот обвинител Ненад Савески – молк.Граѓаните не можат да дојдат до своите пари. Пензионерите не можат да си ги подигнат пензиите. Банкарскиот систем е загрозен“, рече Фрчкоски.

Би можело да ве интересира

(ВИДЕО) Манасиевски: Филипче и СДС со двојни аршини за Алта банка, гласни денес, а молчеа во 2023 година

Горан Наумовски

СДСМ: Нема пари, 51 милион евра не се префрлени во вториот столб

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка