Американскиот претседател Доналд Трамп повторно им вети на Американците по 5.000 долари, во случај на победа на Републиканската партија на изборите за Конгресот, закажани за вторник, 3 ноември, објави денеска американската телевизиска мрежа „ABC“.
„Ова се најважните избори во историјата“, им рече Трамп синоќа на своите поддржувачи во Дејтона Бич, Флорида.
Американскиот претседател ја искористи можноста да го повтори ветувањето дека секој граѓанин ќе добие 5.000 долари доколку републиканците победат на изборите – ветување кое покрена прашања како во однос на неговата законитост, така и во однос на тоа како би се финансирало.
„Републиканците имаат шанса да постигнат добар резултат. Можеби дури и многу добар“, изјави Трамп, говорејќи од Овалната соба пред да замине на митинг на Флорида.
Сепак, тој набргу ги ублажи своите изјави, со оглед на тоа што неговата популарност е на најниско ниво досега, поради високите трошоци за живот и тензиите со Иран.
„Обично, претседателот – без разлика дали е добар или лош, републиканец или демократ – губи на изборите во средината на мандатот, на кои се избираат сите членови на Претставничкиот дом и една третина од членовите на Сенатот“, рече Трамп.
До петокот напладне, 47,9 милиони Американци веќе го искористија своето право на глас преку овозможеното предвремено гласање.