Автобуси полни со припадници на жандармеријата влегле во зградата на Собранието на Србија, објавија дел од српските медиуми.
Засилено полициско присуство има низ центарот на градот, особено пред зградата на Републичката изборна комисија (РИК).
@INinic Zandarmerija upravo u centru Beograda !
RIK vec satima BLOKIRAN. 🤦♂️ https://t.co/KI4HU6UyYl
— GiorgioSanto (@GiorgioSanto9) October 25, 2026
Во текот на денот во центарот на Белград беа снимени и полициски возила наменети за разбивање демонстрации. На снимките се гледа колона возила како од улицата „Кнез Милош“ свртува кон улицата „Крал Милан“, а колона возила на жандармеријата беше забележана и на автопатот.
Žandarmerija na putu ka Beogradu ❗️ https://t.co/d3WWIgwLqc
— Stranka slobode i pravde (@SlobodaIPravda) October 25, 2026
Засега нема официјални информации дали возилата се упатени кон конкретна локација. Полициските службеници утрово им соопштиле на граѓаните дека улицата „Крал Милан“ е затворена од безбедносни причини, за обезбедување на РИК.
Низ блокираниот дел можеле да поминуваат само жителите од непосредната околина и граѓаните кои се упатувале кон своите избирачки места.
Žandarmerija ide na RTS. https://t.co/23EQFOIuGW
— Vitraž (@vitrazmagazin) October 25, 2026
Во Србија се одржуваат предвремени парламентарни избори. Право на глас имаат 6.451.292 избирачи, кои гласаат на 8.392 избирачки места. Избирачките места се отворени од 7 до 20 часот.