Кире Михаилов, заменик-директорот на ЈП „Национални шуми“ на Фејсбук пишува дека изминатите денови приведени се директорот на подружницата „Бор“ во Прилеп и вработена во подружницата „Бабуна“ во Велес. Се сомничат дека ја злоупотребиле службената положба.
Михаилов посочува дека, според информациите од МВР, постојат сериозни докази и индиции дека приведените се огрешиле пред законот.
Михаилов вели дека пред неколку дена е поднесена кривична пријава и против вработен во подружницата во Свети Николе, кој беше директор во времето на претходната владејачка гарнитура.
Штетата се процененува на повеќе од 50.000 евра.
„Не знам кој и колку ми верува и разбира кога велам дека правдата важи за сите и дека нема големи и мали, наши и ваши. Едноставно е, секој кој се огрешил пред Законот ќе одговара!“, порачува Михаилов.