Русија беше подготвена да ги продолжи разговорите со Киев по изборите, но Украина се обиде да ја нападне Москва и целеше кон избирачките места, изјави рускиот претседател Владимир Путин.
Како што додаде, режимот во Киев мора да разбере дека каква било ескалација на ситуацијата нема да доведе до ништо добро, туку само ќе ја влоши состојбата.
Украинската страна претходно ги прекина преговорите во Истанбул, а неколку недели пред изборите објави дека е подготвена да ги обнови, рече Путин, според руските медиуми.
Според него, Москва била подготвена да го продолжи дијалогот по изборите, но тоа не се случило поради потезите на украинската страна.
„Киев мора да разбере дека ниту една провокација нема да ја подобри неговата позиција. Киев мора да го почувствува рускиот одговор на нападите врз инфраструктурата и да сфати дека провокациите и зголемувањето на тензиите нема да му помогнат“, рече Путин.
Според него, рускиот одговор на украинските напади бил толку силен што Киев побарал прекин на огнот.
Изјавите за „руската закана“ и потребата од подготовка за војна со Русија претставуваат намерна ескалација и провокација, рече тој.
Москва, додаде тој, „не се подготвува за војна со Европа; нема причина за таков конфликт“.
Агресивните сили во Европа, додаде тој, сакаат да ја искористат Украина како „топовско месо“ за да го запрат развојот на Русија.