Тепачка за лежалка на плажа во Грција – почина 82 годишник

Од:

Tрагедија се случи рано утрово на плажа во Грција, каде 82-годишник почина од срцев застој по конфликтот за лежалка.

Како што објави „Прототема“, сè се случи нешто по 9 часот наутро, кога 82-годишникот пристигна на плажата со сопругата, по што двајцата се сместија на лежалки.

Нешто подоцна на истото место пристигна друг пар – 76-годишник и 21-годишна жена.

Избувна расправија, по што на жената која беше во друштво на 76-годишникот ѝ се слоши и беше пренесена во амбулантата на плажата.

Меѓутоа, 76-годишникот се врати, ситуацијата ескалираше и тој физички се пресмета со 82-годишникот.

За време на тепачката, 82-годишниот маж доживеа срцев застој и исто така беше пренесен во амбулантата, каде што спасувачите му укажаа прва помош.

Откако не успеаја да го реанимираат, иако четирипати изведуваа кардиопулмонална реанимација и користеле дефибрилатор, мажот го презема екипа на Итната медицинска помош и го пренесе во болницата „Асклипио“ во Вула, каде што еден час подоцна тој почина.

Поради инцидентот, 76-годишниот маж беше уапсен поради нанесување телесна повреда со смртна последица.

Дваесет и едногодишната жена која била со него е пуштена на слобода.

Би можело да ве интересира

Иран негира вмешаност во планиран терористички напад во Грција

Со дрон се обидоа за внесат мобилни телефони во затвор во Грција

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

Фатена е криминална група во Солун – прошверцува над 17 милиони цигари

А1он

Во Солун уапсен маж кој се барал со меѓународна потерница за тешка кражба во Македонија

Обвинителството бара притвор за 20-годишник кој нападна дете од спротивната навивачка група пред „Јане Сандански“

Горан Наумовски