Најмалку шест ученици се убиени, а 17 други се повредени во пукотница во средно училиште на југот на Филипините, соопшти филипинскиот Оддел за социјална помош и развој. Пукањето се случило во Националното средно училиште Банга во градот Банга, во покраината Јужен Котабато.
Напаѓачот, за кој се сомнева дека и самиот бил ученик, е меѓу загинатите, објави GMA Network. Наставата на сите нивоа на образование во областа Банга беше веднаш прекината по инцидентот, соопшти градската Канцеларија за намалување на ризиците од катастрофи и управување со вонредни состојби.
🇵🇭 School Shooting in South Cotabato, Philippines
1 killed & 4 injured in a shooting at Banga National High School, Cotabato
Gov. Reynaldo said a Grade 9 suspect used a caliber pistol before shooting himself#SB19 #VíasChile #ROSÉ #เปิดกล้องเมจิกเลิฟเวอร์ #毎週金曜はおつピザ pic.twitter.com/zEYM4RSuCL
— Daily Briefs (@Daily_Briefs_) September 18, 2026
Министерството за образование соопшти дека е длабоко загрижено за пукањето и дека соработува со училишните службеници, локалните власти и полицијата за да ги утврди околностите на инцидентот и да обезбеди помош. „Наш непосреден приоритет е безбедноста и благосостојбата на нашите ученици, наставници и училишниот персонал“, соопшти одделот.
Додаде дека на засегнатите ќе им биде достапна прва психолошка помош, како и поддршка за ментално здравје и психосоцијална помош. Министерството, исто така, ја повика јавноста да не шири непотврдени информации додека властите го истражуваат пукањето.
Денешниот напад се случи еден месец по пукањето на Универзитетот Атенео де Замбоанга на јужните Филипини, во кое на 18 август беа убиени двајца студенти, вклучувајќи го и студентот што го изврши нападот.
Властите сè уште не го објавија можниот мотив за најновото пукање.