Скопјанец (44) кој бил баран со централна потерница и бил во бегство од 2024 година, утрово е лишен од слобода во Арачиново.
Како што информира МВР, С.И. бил пронајден и лишен од слобода околу 5:30 часот од страна на Секторот за меѓународна полициска соработка – Отсек за потрага, во содејство со Интервентната полиција.
Тој се барал со централна потерница поради кривично дело „неовластено производство и пуштање во промет наркотични дроги, психотропни супстанции и прекурсори“, според член 215 став 3 од Кривичниот законик.
За делото бил осуден на пет години затвор.
С.И. е предаден во Полициската станица за општа надлежност Гази Баба за понатамошна постапка.