По сагата што траеше цело лето, Ливерпул успеа да го доведе Бредли Баркола од ПСЖ.
Клубовите долго време не можеа да се договорат за цената на трансферот, но на крајот беше постигнат договор за сума од 123 милиони фунти (106 милиони евра фиксен износ плус 17 милиони преку бонуси), а улога одигра и фактот што францускиот репрезентативец јасно ја изрази својата желба за промена на средината, бидејќи покрај Квича Кварацхелија и Дезире Дуе, тој беше во втор план кај европскиот шампион.
Така, Баркола стана второто најскапо засилување во историјата на клубот, по трансферот на Александар Исак, кој изнесуваше 125 милиони фунти.
Bradley Barcola is a Red.
Allez Les Rouges. pic.twitter.com/Z8eQY71dgQ
— Liverpool FC (@LFC) August 31, 2026
Ливерпул го претстави Баркола на социјалните мрежи.
– Многу сум среќен и горд што ќе играм за Ливерпул. Потребно беше време, но навистина сум возбуден што сум овде. Единственото нешто што го сакам е да бидам на теренот и да играм. Се надевам дека заедно ќе постигнеме големи работи. Пред сè – освојување на Премиер лигата, тоа е еден од најголемите соништа во мојот живот – изјави Баркола во првото интервју што го даде како играч на англискиот тим.
Откако влезе во првиот тим на Пари Сен Жермен во сезоната 2021/22, Баркола забележа 39 гола и 37 асистенции на 152 натпревари.