Украинскиот претседател Володимир Зеленски призна дека складиште со муниција во селото Мила, во близина на Киев, кое беше погодено во руски напад, се наоѓало во близина на станбени објекти.
„Во селото Мила беше извршен напад врз складиште, по што следуваше детонација“, напиша Зеленски на својот канал на Телеграм.
Тој наведе дека во експлозијата биле оштетени објекти во околината, меѓу кои и станбени згради. Според него, започната е истрага за одговорноста за складирање муниција во близина на населено подрачје.
‼️ Russians hit a tire warehouse in Bucha district of Kyiv region — local media.
A black column of smoke is visible from different parts of the city. pic.twitter.com/kNjyu5RDee
— The Ukrainian Review (@UkrReview) August 29, 2026
Во нападот, според последниот биланс на украинските власти, загинале најмалку 37 лица, а 42 се повредени, меѓу кои и четири деца. Од погоденото подрачје биле евакуирани 381 лице, од кои 59 деца, додека оштетени биле околу 50 станбени објекти.
Спасувачките и противпожарните екипи и натаму работат на местото на нападот. Се отстрануваат урнати конструкции, се гаснат пожари и продолжува потрагата по евентуални преживеани.
Зеленски истакна дека истрагата треба да утврди како и зошто муницијата била складирана во близина на населено место, имајќи ги предвид последиците од нападот и последователната детонација.