Во текот на изминатото деноноќие полицијата уапси 16 возачи поради безобѕирно управување возило, од кои девет возеa без положен возачки испит.
Четворица од нив се запрени во Скопје, а останатите во Прилеп, Гевгелија, Богданци, Велес и Боговиње.
МВР соопшти дека во истиот период биле уапсени и четири лица кои возеле под дејство на алкохол. Тие биле затекнати во Битола, Македонска Каменица, Кичево и Кавадарци.
Полицијата приведе и двајца возачи кои управуваа возило и покрај изречена забрана за управување со моторно возило.
Едниот е од Македонски Брод, а другиот од Велес.
Меѓу приведените е и државјанин на Шведска, кој на автопатот А1 возел со двојно поголема брзина од дозволената.
Од МВР информираат дека по целосното документирање на случаите ќе бидат поднесени соодветни кривични пријави.