„Силен пожар се приближува од Република Србија кон Република Македонија, поточно од правецот на српското село Трнава накај селото Стража во општина Липково над граничниот премин Табановце“ напиша на Фејсбук заменик директорот на „Македонски шуми“ – Кире Михаилов.
Тој вели дека „густиот чад од овој пожар ги има обвиткано буквално целата општина Липково и дел од општина Арачиново, а се чувствува и во Куманово“.
„Да се надеваме дека соседите или временските услови ќе го средат пожарот пред да стигне кај нас во Македонија затоа што се работи за многу лош пожар со огромен интензитет“ напиша Михаилов.
