Американскиот претседател Доналд Трамп денеска изјави дека нема загриженост за залихите на оружје на американската војска поради војната со Иран, истакнувајќи дека САД сè уште располагаат со големи резерви на оружје.
„Она што го искористивме беше занемарливо. Имаме многу оружје со среден дострел“, изјави Трамп за „Фокс њуз“.
Претходно, некои аналитичари во медиумите предупредија дека од почетокот на август, САД искористиле повеќе од половина од своите залихи на одредени системи за вооружување во војната со Иран.
Зборувајќи за мировните преговори со Иран, Трамп рече дека постои директен канал за комуникација со Корпусот на гардата на исламската револуција (ИРГЦ), но додаде дека не брза да го заврши конфликтот.
„Тие се добри играчи на покер, но пропаѓаат. Немам временска рамка. Не брзам“, рече Трамп, говорејќи за преговорите со Иран.
Тој го повика Иран да го истакне „белото знаме“ и веднаш да го прекине конфликтот со САД, велејќи дека Техеран не може да смета на победа.
„Треба да го истакнат белото знаме на предавање“, рече Трамп.
Американскиот претседател исто така изјави дека не е загрижен за потенцијалното влијание на војната со Иран врз претстојните избори на средината на мандатот во САД.
Тој додаде и дека САД би го бомбардирале Оман – земја што преговара за договор со Иран за пловидба низ Ормутскиот теснец – доколку таа земја застане на патот на американските интереси.