Русија изврши нов бран напади со балистички ракети врз Киев и други украински градови, соопштија украинските власти. Во нападите во Запорожје загинале најмалку пет лица, а 20 се повредени.
Рано утринава, началникот на регионалната воена управа на Запорожје, Иван Федоров, објави дека во градот биле погодени индустриски објекти и инфраструктура.
🚀Russian troops attacked military-industrial facilities in Kyiv and Zaporizhzhia, striking military industry installations as well as transport and logistics centers. pic.twitter.com/4dCxVDg50m
— Abraracursix abdala (@Abraracurs64713) August 11, 2026
Во Киев, според првичните информации, е повредено едно лице. Градоначалникот Виталиј Кличко соопшти дека во главниот град се слушнале силни експлозии и ги повика граѓаните да останат во засолништата додека итните служби интервенираат на терен.
Украинските воздухопловни сили предупредија и на ракетна опасност за Суми, Харков и Чернихив.
По повеќе од четири години војна, Украина се соочува со недостиг на ракети за системите за противвоздушна одбрана. Тоа, според украинските власти, ѝ овозможува на Русија да ја зголеми употребата на балистички ракети против Киев и други украински градови.
Американските системи „Патриот“ се меѓу најефикасните средства за пресретнување балистички ракети, кои поради големата брзина се особено тешки за соборување.
Украина располага со неколку системи „Патриот“, но нема доволно пресретнувачки ракети. Во Киев постои загриженост дека Русија во пресрет на зимата би можела повторно да изврши масовни ракетни напади врз енергетската и друга критична инфраструктура, што би можело дополнително да ги влоши условите за живот на милиони Украинци.