Српскиот актер Сергеј Трифуновиќ и неговата сопруга Исидора Мијановиќ денеска биле приведени по инцидент што се случил во еден трговски центар во Белград.
Според српските медиуми, инцидентот започнал во продавница, откако za обезбедувањето Исидора Мијановиќ била сомнителна и побарало да ги прегледа нејзините лични работи. На тоа, како што се наведува, се спротивставил Трифуновиќ, по што дошло до вербална расправија.
На местото била повикана полиција, која ги привела двајцата за да ги утврди сите околности на настанот.
По давањето изјави во полициската станица, Сергеј Трифуновиќ и Исидора Мијановиќ биле пуштени на слобода.
Засега нема официјални информации дали против нив ќе биде поведена прекршочна или кривична постапка, а случајот сè уште е предмет на полициска проверка.