Во руски напад со балистички ракети и беспилотни летала врз Киев и околината загинаа најмалку 15 лица, а 51 се повредени, соопштија украинските власти. Во текот на ноќта избувнаа повеќе пожари во главниот град и неговите предградија, а спасувачките екипи сè уште трагаат по затрупани лица.
Државната служба за вонредни состојби на Украина (ДСНС) соопшти дека во Киевската област загинале 14 лица, а 27 се повредени. Материјална штета е пријавена во областите Бровари, Буча и Фастив, каде што по нападите се запалиле магацини и возила.
BREAKING:
A large number of fires can be seen in Kyiv after Russian missile strikes tonight pic.twitter.com/kbxnpxddGS
— Visegrád 24 (@visegrad24) August 5, 2026
Градоначалникот на Киев, Виталиј Кличко, информираше дека во самиот град загинало едно лице, а 24 се повредени. Од нив, 15 се пренесени во болница, додека четворица се во критична состојба.
Според Градската воена администрација, штета е регистрирана на најмалку седум локации. Погодени се квартовите Холосијивски, Оболонски, Десњански и Свјатошински.
Russia attacked Kyiv, Ukraine tonight. Massive fires can be seen.
Contributed by @AZ_Intel_. pic.twitter.com/nzt0nbaBQa
— Open Source Intel (@Osint613) August 4, 2026
Во квартот Холосијивски спасувачите извлекле две лица од урнатините на уништен магацин, а потрагата продолжува бидејќи се претпоставува дека под урнатините има уште затрупани луѓе. Во Оболонски, проектил погодил 20-катна станбена зграда, предизвикувајќи голем пожар.
Пожари избувнале и во уште една станбена зграда, како и во два магацина на различни локации. Во Десњански се запалил магацин, а остатоци од проектил паднале во близина на станбена зграда.
Russia's overnight missile and drone attack on the Kyiv region killed 14 people and injured 27. pic.twitter.com/bQhiec1YY4
— Clash Report (@clashreport) August 5, 2026
Според новинарите на „Киев Индипендент“, првите силни експлозии се слушнале околу 00:20 часот по локално време. Во следниот час градот бил погоден од повеќе балистички ракети, додека украинските воздухопловни сили во повеќе наврати предупредувале за нови ракети насочени кон Киев. Предупредување за напад со дронови било издадено во 1:09 часот.
Кличко преку социјалните мрежи порача дека Киев и регионот се под балистички напад и ги повика граѓаните да останат во засолништа.
Овој напад следува само неколку дена по претходниот голем руски ракетен удар врз Киев. Во нападот на 1 август, според украинските власти, загинаа најмалку девет лица, а повеќе од 30 беа повредени.