Во текот на летната сезона, илјадници туристи од Србија, Македонија и други земји во регионот престојуваат на грчкиот брег, а покрај приказните за гужви, цени и плажи, социјалните мрежи се преплавени со примери за човечност што ја враќаат вербата во чесноста. Една таква приказна доаѓа од Полихроно, каде што, според објава во Фејсбук групата „Грција Инфо“, жена од Ниш вратила изгубен паричник на брачен пар од Македонија.
Авторот на објавата, кој сака да остане анонимен, опишa како тој и неговата сопруга доживеале голем стрес по вечерата кога сфатиле дека паричникот е оставен на масата во ресторан.
– Добар ден на сите во групата. Јас сум од Македонија, моментално на одмор во Полихроно. Синоќа, кога вечеравме, кога станавме, мојот сопруг го заборавл паричникот на масата… Полн со многу пари, сè што донесовме за да платиме за јадење и пиење 10 дена. Плус сите можни картички, лични карти и документи. Во еден момент рече: „Каде ми е паричникот?“ Следеа стрес и нервоза – се вели во објавата.
Како што се известува, тие веднаш се упатиле назад кон ресторанот, но по патот наишла на жена која им го носела изгубениот паричник.
– Жена од Ниш истрчала да нè стигне и да го врати паричникот. Во целата таа паника, се сетивме само дека таа рече дека е од Ниш. Беше со нејзината ќерка и две внучиња. Ѝ се заблагодаривме, а сопругот ја награди финансиски – се вели во објавата.
Тие беа особено трогнати од фактот дека, како што велат, ова е прв пат да доживеат таква ситуација.
– Ова ни се случува за прв пат и за прв пат се уверив дека навистина има чесни луѓе. Жено, ако го читате овој пост, нека Бог ви даде вам и на вашето семејство многу здравје и среќа во животот. Ви благодарам многу. Сè уште има надеж. Србите се вистински луѓе, им симнувам капа на Србите. Ви благодарам, госпоѓо од Ниш. Бог да ве благослови – вели авторот на објавата.
Неговата благодарница брзо го привлече вниманието на членовите на групата, кои го пофалија гестот на жената од Ниш во коментарите и истакнаа дека токму ваквите приказни ја прикажуваат најубавата слика за туристите од регионот кои одмараат во Грција.