По серијата украински напади во Русија, големи пожари избувнаа во неколку градови на југот на Русија, додека прекини во снабдувањето со електрична енергија беа регистрирани низ целиот окупиран Крим. Информациите за нападите врз логистичките центри и електричната мрежа се пренесуваат преку канали кои ја следат ситуацијата на терен, пишува The Kyiv Independent.
Five out of top ten now, with reports of another Wildberries warehouse on fire in Nevinnomysk in southern Russia. https://t.co/DXqkuaUxmF pic.twitter.com/UtEj8h0SQb
— Yaroslav Trofimov (@yarotrof) July 22, 2026
Според извештаите од Telegram, украинските беспилотни летала погодија две трафостаници, едната во окупираната Масандра, а другата во блиската Јалта, предизвикувајќи прекин на електричната енергија.
Проукраинскиот канал Кримски ветер, исто така, извести за пожар во трафостаница во Јалта по нападот со беспилотни летала. Проблеми со снабдувањето беа забележани и во Алушта на југот на полуостровот, кој исто така беше цел на украинските сили.
Во исто време, напади беа пријавени и на југот на Русија. Во Краснодар, според достапните информации, беа погодени магацинот на онлајн трговецот на мало „Wildberries“, паркинг за камиони и станбени згради. Компанијата „Wildberries“ колоквијално се нарекува „руски Амазон“.
IT'S MARSHMALLOW TIME FELLAS! 🔥
Krasnodar, Russia, Wildberries logistics hub 📍 pic.twitter.com/fwCmu51kS5
— Kate from Kharkiv (@BohuslavskaKate) July 22, 2026
Уште еден логистички центар на „Вајлдберис“ беше погоден во Невиномиск, Ставрополски крај, каде што по нападот избувна голем пожар. „Киев Индепендент“ забележува дека не може независно да ги потврди овие тврдења.
Нападите се дел од пошироката украинска стратегија за таргетирање на воената инфраструктура длабоко на руска територија и окупираните територии, со цел ослабување на руските воени капацитети. Нападите во Краснодар и Невиномиск го зголемуваат бројот на напади врз инфраструктурата на „Вајлдберис“ во последните денови на четири.
Во ноќта на 18 јули, Украина веќе изврши два напади врз објектите на компанијата, во Електростал во Московската област и во Котовск во Тамбовската област.
Thousands of Wildberries workers in Nevinnomyssk, Stavropol region, in Russia see their workplaces gone up in flames. For the owners of the goods the future looks just as bleak if not worse.
And Wildberries can soon file chapter 11. pic.twitter.com/ECaqUrCmyx
— (((Tendar))) (@Tendar) July 22, 2026
Во деновите што следеа, нападите продолжија. Во ноќта на 19 јули, украинските сили нападнаа складиште за нафта во Ставрополскиот крај и неколку други цели на окупираните територии. Командантот на украинските сили за беспилотни системи, Роберт „Ловец“ Бровди, изјави дека во ноќта на 20 јули неговите сили нападнале седум бродови од руската „флота во сенка“, седум енергетски објекти во Крим и други воени цели.