Американскиот претседател Доналд Трамп изјави дека САД најверојатно ќе ја преземат контролата врз Ормускиот теснец. Тој додаде дека „ќе го удри Иран многу силно“ затоа што „го прекршиле договорот“.
Зборувајќи за Ормускиот теснец, Трамп рече дека САД ќе ја преземат контролата врз Ормускиот теснец и ќе ја обезбедат безбедноста на пловидбата, и дека другите земји треба да му надоместат на Вашингтон за ова.
– Ние ќе го задржиме теснецот и веројатно ќе управуваме со него. Ќе станеме чувари на теснецот. Можеби ќе се наречеме ангел чувар на теснецот и треба да бидеме платени за тоа, рече Трамп во интервју за Фокс њуз.
Тој додаде дека САД не можат да ја работат оваа работа бесплатно, истакнувајќи дека земјите што имаат корист од безбедниот премин се богати и го поддржуваат Вашингтон.
„Ние ќе го чуваме и ќе бидеме добро платени за тоа“, рече американскиот претседател.
Како што изјави за Фокс њуз, САД ја „преземаат“ контролата врз Ормускиот теснец, откако Иран објави дека преминот низ стратешки важниот воден пат е затворен поради, како што рече Техеран, непријателски активности на САД.
„Го преземаме теснецот. Тие немаат ништо“, рече Трамп.