Соединетите Американски Држави извршија напади врз Иран, откако ирански напад врз пловило во Ормутскиот Теснец предизвика пожар на контејнерски брод и го принуди екипажот да го напушти. Иран, според сè, возвратил со напади врз Бахреин, Кувајт, Катар и Обединетите Арапски Емирати.
Американската Централна команда (CENTCOM) соопшти дека во нападите погодила околу 140 цели, значително повеќе отколку во претходните два бранови напади. Меѓу целите биле позиции за лансирање ракети и дронови, складишта за муниција, комуникациска опрема и други воени објекти.
„Нападите ја намалуваат способноста на Иран да напаѓа цивилни морнари и трговски бродови кои слободно минуваат низ теснецот“, соопштија од CENTCOM. Новата размена на оган во Персискиот Залив се случи само неколку дена откако американскиот претседател Доналд Трамп изјави дека привремениот договор во војната со Иран е „завршен“.
U.S. Central Command (CENTCOM) announced it has completed a third round of strikes this week against Iranian military targets in response to another attack on a commercial vessel in the Strait of Hormuz.
According to CENTCOM, approximately 140 military targets were struck during… pic.twitter.com/qyqOhYttD7
— OSINTdefender (@sentdefender) July 12, 2026
Американскиот министер за одбрана Пит Хегсет на социјалните мрежи напиша: „Иран донесе лоша одлука. Сега ја плаќа цената.“
Претседателот на иранскиот парламент и еден од главните преговарачи, Мохамад Багер Калибаф, одговори со објава на платформата X.
„Ерата на едностраните договори е ЗАВРШЕНА. Ви кажавме: одржете го зборот или платете ја цената. Реалноста тропа на вратата“, напиша тој.
Обединетите Арапски Емирати го предупредија населението за претстоен ракетен и напад со дронови, додека експлозии се слушаа во соседен Катар. Набргу по детонациите во Катар беше активирана тревога за проектили. Катарската војска соопшти дека ги пресретнала доаѓачките ирански ракети.
Во исто време, сирени за тревога се огласија и во Бахреин, островското кралство во Персискиот Залив каде што се наоѓа базата на Петтата флота на американската морнарица. Кувајтската војска соопшти дека пресретнува доаѓачки ракети.
Во нападот во Ормутскиот Теснец, контејнерски брод под кипарско знаме бил погоден од иранска ракета и претрпел „значителни оштетувања на машинскиот простор“, додека еден член на цивилниот екипаж се води како исчезнат, соопшти CENTCOM.
Британскиот центар за поморски трговски операции, кој работи под надзор на британската војска, објави дека бродот пловел по рута покрај брегот на Оман. Токму по таа рута бродовите влегувале и излегувале од Персискиот Залив за да ги избегнат иранските територијални води. Екипажот го напуштил бродот додека бил во пламен, соопшти центарот.
Иранската Револуционерна гарда соопшти дека повеќе пловила „ги игнорирале предупредувањата и наредбите да го променат курсот и да продолжат по одобрената рута“. Наведоа дека едно од нив „било погодено со предупредувачки истрел и запрено“.
Иран објави дека Ормутскиот Теснец ќе остане затворен „до понатамошно“ и дека ќе разгледа напади врз „дополнителни непријателски бази во регионот“ доколку биде изложен на нови напади.
Иранските државни медиуми известија за американски напади врз повеќе јужни покраини, вклучувајќи ги Бушер, Хормозган, Хузестан и Систан и Белуџистан. Засега не се објавени информации за штета или евентуални жртви.
BREAKING: Iran has started launching a heavy wave of ballistic missile and drone attacks against U.S. and allied military sites across the Gulf in retaliation for today's U.S. strikes on Iranian territory.
Jordan: Iran reportedly fired 12 ballistic missiles toward Muwaffaq Salti… pic.twitter.com/6gqA2KNaDk
— The Hormuz Report (@HormuzReport) July 12, 2026
Министрите за надворешни работи на Иран и Оман се сретнале ден претходно за да разговараат за Ормутскиот Теснец, по повеќедневните ирански напади врз бродови и американските противнапади што сериозно го нарушија привремениот договор за завршување на војната. Теснецот се наоѓа во територијалните води на Иран и Оман, но долго време се смета за меѓународен пловен пат.
Оман соопшти дека со Иран се договориле разговорите за Ормутскиот Теснец да продолжат „на техничко и политичко ниво“. Сепак, Иран не даде никаква изјава дека теснецот ќе биде отворен за сите бродови, како што бара администрацијата на Доналд Трамп.
Новиот ирански врховен лидер, кој од почетокот на војната сè уште не се појавил во јавноста, во својата прва изјава по погребот на својот татко, ајатолахот Али Хамнеи, порача дека Иранците ќе го одмаздат неговото убиство во почетните напади на 28 февруари.
„Таквата одмазда е волја на нашиот народ и таа мора да се спроведе“, изјави врховниот лидер ајатолах Мојтаба Хамнеи, според државната телевизија.
Американски претставници, кои во петокот зборуваа под услов на анонимност поради чувствителноста на ситуацијата, нагласија дека продолжувањето на нападите, уште пред последниот бран удари, е последица на дејствувањето на група ирански тврдокорни кругови кои, според нив, се обидувале да го саботираат примирјето.
Иран, сепак, инсистира дека неговата теократска власт е обединета под новиот врховен лидер.