Иранската војска спречила танкер за нафта да помине низ Ормускиот теснец, објавија иранските државни медиуми рано утрово.
Иранските медиуми објавија експлозии во близина на Бандар Абас, но државната новинска агенција ИРНА подоцна соопшти дека не се пријавени експлозии во пристанишниот град и дека детонациите би можеле да бидат поврзани со воена активност во поморските области.
Врховниот здружен штаб на иранската армија вчера објави затворање на Ормускиот теснец, вклучително и за танкери за нафта и комерцијални бродови, велејќи дека ќе пукаат врз секој брод што ќе се обиде да помине.
Локалните медиуми, исто така, објавија експлозии покрај брегот на Сирик.
Воен извор им кажал на локалните државни медиуми дека детонациите што се слушнале во близина на Сирик се поврзани со иранските сили што извршиле предупредувачки напад врз танкер за нафта што се обидувал да помине низ Ормускиот теснец.
Танкерот подоцна ја почитувал забраната за транзит откако добил предупредувања од морнарицата на ИРГК, рече изворот.
Американскиот претседател Доналд Трамп вчера објави дека САД и Иран би можеле да потпишат мировен договор уште овој викенд со кој ќе се отвори Ормутскиот теснец за пловидба, но Иран одговори дека сè уште не донел конечна одлука за договорот.