Судијата Ѓоко Ристов негира вина за пронајдените 350.000 евра кај неговите родители

Од:

Во Основниот кривичен суд во Скопје започна судскиот процес против суспендираниот апелациски судија Ѓоко Ристов, обвинет во случајот со 350.000 евра пронајдени скриени во ѕид од семејната куќа во Неготино. На почетокот од рочиштето, Ристов изјави дека не се чувствува виновен за делата што му се ставаат на товар.

Според обвинението, во домот на неговите родители беа откриени непријавени и неевидентирани пари, спакувани во 13 пакувања и сокриени во шуплини во ѕид од кујната. Обвинителството тврди дека средствата немаат законско потекло и дека биле прикривани.

Случајот произлезе од истрагата против поранешниот државен правобранител и адвокат Фехми Стафа, кој беше уапсен при примање 50.000 евра. Во текот на постапката, тој посочил дека парите биле наменети за посредување кај судијата Ристов за укинување мерка притвор.

Обвинителката Искра Хаџи Василева во воведното излагање наведе дека Обвинителството ќе докажува кривични дела перење пари и трговија со влијание. Таа посочи дека станува збор за значителна сума, која според обвинението не може да се оправда со законски приходи.

Одбраната, пак, тврди дека обвинението е без цврсти докази. Адвокатот Ѕвонко Давидовиќ оцени дека случајот е конструиран врз претпоставки и најави дека ќе се докажува оти парите биле сопственост на родителите на Ристов и дека нивниот имот бил легално стекнат.

Ристов, кој претходно долги години работеше како судија во Кривичниот суд, за првпат се соочува со обвинение и судски процес како обвинет.

Би можело да ве интересира

Судење за Ѓоко Ристов: Обвинителството не гледа суштински пропусти во ДНК-експертизата, одбраната тврди дека е можна контаминација

Вештак во случајот „Ристов“: Постои реална можност за контаминација на доказите со туѓа ДНК

Хаџи – Василева: Правните мислења на одбраната во случајот Ристов немаат доказна вредност

Трагите на ливчињата најдени меѓу банкнотите во ѕидот се на мајката на Ѓоко Ристов, сведочеше вештак на одбраната

Катерина Ѓуровски

Обвинителката за сведочењата на родителите на судијата Ѓоко Ристов: Не се поткрепени со докази, емоциите се јасни!

А1он

Мајката на судијата Ѓоко Ристов тврди дека 350.000 евра се нејзини: Бостан, диња, пипер, ореви, се продавав

А1он