Руската државна телевизија Русија 1 објави список на потенцијални цели за „одмазднички удар“ врз Киев во случај на „прекинување на парадата за Денот на победата“ во Москва на 9 мај.
Russian television has broadcast potential targets for a "retaliatory strike" on Kyiv if the Moscow parade is disrupted. The list includes the Verkhovna Rada, the government quarter, the Cabinet of Ministers, the Office of the President, and nearby embassies. pic.twitter.com/YXu2cL3eqe
— WarTranslated (@wartranslated) May 7, 2026
Списокот ги вклучува клучните институции на украинската држава, како и бројни странски амбасади лоцирани во самиот центар на главниот град.
Во извештајот, руската телевизија графички ги прикажа локациите што Москва ги смета за легитимни цели за одмазда.
„Во случај на провокација, целиот владин округ и Врховната Рада (украинскиот парламент) ќе бидат нападнати, од Марински парк до Кабинетот на министри на улицата Хрушчов. Врховниот совет на Украина е тука. Во близина се амбасадите на Латвија и Јапонија, малку подалеку на Владимирска 33 е зградата на СБУ, а веднаш таму е ерменската амбасада“, рече водителот во пренос во живо.
Извештајот продолжи со нагласување дека и западните дипломати би можеле да бидат цел.
„Дипломатите од Лондон се наоѓаат на улицата Десјатинскаја во најгусто населениот кварт Шевченко во украинскиот главен град. Тука се амбасадите и претставништвата на повеќе од 50 земји во светот. Меѓу нив се Германија и Соединетите Американски Држави. Во центарот на градот, на Јарослав Вал и во близина, се наоѓаат амбасадите на Италија, Канада, Полска, а на улицата Рејтарскаја се наоѓа амбасадата на Франција“, рече водителот.
Константин Книрик, раководител на прокремљскиот пропаганден портал „Њуз Фронт“, го продолжи извештајот со прецизирање на целите и упатување директна закана до украинскиот претседател.
„Целта на уништување за нас е улицата Банкова, вклучувајќи ги советските згради што ги користел Зеленски, како и бункерот во кој се крие. Дури и да го нема таму, очигледно е дека ако нашиот удар биде успешен и ефикасен, на сите ќе им биде јасно дека сме способни да го достигнеме во кој било друг бункер во кое било време. Индиректна потврда за фактот дека Украина ги сфаќа сериозно нашите предупредувања е тоа што во западна Украина има повеќекратно, нагло зголемување на цената на дневната кирија за станови“, рече Книрик.