Фудбалерите на Челси претрпеа уште еден тежок пораз и ја продолжија својата негативна серија во Премиер лигата, регистрирајќи го својот шести последователен неуспех.
Овој пат на „Стемфорд Бриџ“, Нотингем Форест беше подобар, победувајќи со 3:1.
Натпреварот беше обележан и со многу сериозни ситуации на повреди, вклучувајќи дури четири судири со глава, по два од секоја страна.
Натпреварот започна идеално за гостите, кога Таиво Авонији постигна гол во втората минута за водство на Нотингем Форест. Предноста беше удвоена во 15-тата минута, кога Игор Жесус погоди од пенал.
Најдраматичниот момент од првото полувреме се случи кон крајот, кога младиот играч на Челси, Џеси Дери, имаше силен судир глава во глава со Зак Абот. Ситуацијата беше сериозна, Дери долго време остана без свест на теренот, а му беше укажана помош, поради што паузата траеше околу десет минути.
По паузата, беше досуден пенал за Челси, но Кол Палмер не успеа да го реализира. На паузата се замина со резултат од 2:0 за гостите.
Во продолжението, Нотингем продолжи со подобра игра и во 52-та минута, Авонији повторно постигна гол за 3:0.
Уште еден сериозен судир на глави беше забележан во 61-та минута, кога Морган Гибс-Вајт и Роберт Санчез мораа да го напуштат теренот.
Челси успеа само да го ублажи поразот до крајот, а Жоао Педро постигна спектакуларен гол со ножички за конечни 3:1.
Со оваа победа, Нотингем Форест направи голем чекор кон опстанок во лигата, додека Челси остана без шанса за пласман во Лигата на шампионите.