ЕДС со понуда со уште поголема додадена вредност за компаниите кои ќе изберат сигурен и стабилен снабдувач со електрична енергија.
Во рамки на актуелната понуда, сите компании кои ќе склучат договор за снабдување со електрична енергија на 2 години со фиксна цена, може да изберат меѓу два вредни подароци инвертер клима уред или електричен тротинет.
Со оваа понуда, ЕДС не само што обезбедува ценовна стабилност и можност за подобро планирање на трошоците, туку нуди и конкретна практична вредност за своите клиенти.
Фиксната цена за целиот договорен период им овозможува на компаниите заштита од пазарни флуктуации и сигурност во услови на нестабилен енергетски пазар, додека подароците претставуваат дополнителен бенефит што ја прави понудата единствена на пазарот.
„Нашата цел е компаниите да добијат повеќе од снабдувач – да добијат партнер кој носи сигурност, предвидливост и реална вредност. Со оваа кампања сакаме уште повеќе да ја нагласиме нашата посветеност кон клиентите и нивните потреби“, изјави главниот извршен директор на ЕДС, Александар Сарџовски.
Од компанијата посочуваат дека понудата е креирана како директен одговор на потребите на бизнисите во време кога стабилноста на трошоците за електрична енергија станува клучен фактор за финансиско планирање и одржлив раст.
Инвертер клима уредот, како дел од понудата, овозможува поефикасно ладење и греење со помала потрошувачка на електрична енергија, а воедно придонесува и за намалување на загадувањето при замена на конвенционалните начини на греење. Електричниот тротинет, пак, претставува модерен и практичен подарок кој носи дополнителна вредност и поддржува поодржлив начин на мобилност.
Со оваа кампања, ЕДС уште еднаш ја потврдува својата позиција како сигурен партнер на бизнисите, нудејќи не само конкурентни услови за снабдување, туку и решенија што создаваат долгорочна вредност.