Српскиот тенисер Новак Ѓоковиќ го сруши рекордот по број на недели поминати во Топ 5 на АТП листата.
Српскиот ас ја започнува својата 860-та недела во Топ 5 на АТП листата оваа недела, соборувајќи го рекордот што претходно го држеше Роџер Федерер со 859 недели.
Novak Djokovic has broken the record for most weeks ranked in the Top 5. He now has:
Most weeks at #1 – 428
Most weeks in Top 2 – 599
Most weeks in Top 3 – 764
Most weeks in Top 4 – 824
Most weeks in Top 5 – 860The records are insane. 🤯 pic.twitter.com/sVlIJwsynP
— Danny (@DjokovicFan_) April 20, 2026
Особено импресивен факт е дека Ѓоковиќ помина 428 од тие 860 недели на првото место, што е убедливо најмногу во историјата. Федерер е втор со 310 недели на врвот.
Ова значи дека тој поминал речиси половина од времето (49,8 проценти) во Топ 5 како број 1, додека речиси 70 проценти од времето бил меѓу двајцата најдобри тенисери во светот.
Ѓоковиќ моментално е на 939 недели во Топ 10, второ најмногу време зад Федерер (968).
Доколку го одржи континуитетот и остане на врвот на светот, српскиот тенисер би можел да стане рекордер по бројот на недели во Топ 10 веќе во ноември.