За време на посетата на јужен Либан денес, началникот на Генералштабот на Израелските одбранбени сили (ИДФ), генерал-потполковник Ејал Замир, изјави дека одобрил нови борбени планови и за Либан и за Иран.
– Јас, заедно со Форумот на началниците на штабовите, одобривме планови за претстојниот период. Продолжуваме да спроведуваме тековни проценки на ситуацијата и да одобруваме планови и во Либан и во Иран, рече генералот Замир, објави „Тајмс оф Израел“.
Тој потврди дека повеќе од 1.700 оперативци на Хезболах се убиени во Либан од ескалацијата на непријателствата минатиот месец, додавајќи дека ИДФ, во заедничка операција со американската војска, го ослабна иранскиот режим и го лиши од неговите целосни одбранбени капацитети.