Иранскиот заменик-министер за надворешни работи за политички прашања, Маџид Тахт Раванчи, изјави дека Техеран не сака прекин на огнот што би им овозможило на САД и Израел повторно да нападнат.
Иранската новинска агенција Тасним ги објави неговите забелешки за време на состанокот со странски амбасадори и раководители на организации во Техеран денес.
– Не сакаме прекин на огнот што би му дозволило на непријателот-агресор да се вооружи и да започне нова агресија, рече Раванчи.
Тој исто така тврдеше дека е „договорено планот од 10 точки на Иран да биде основа за преговори“.