Неколку американски разузнавачки агенции проценија дека иранската влада сè уште не е подготвена да влезе во суштински преговори за завршување на војната со САД и Израел, изјавија денес неименувани американски претставници за „Њујорк тајмс“.
Овие проценки укажуваат дека иранската влада верува дека е во силна позиција во војната и не мора да попушти на дипломатските барања на САД, изјавија неименуваните извори за „Њујорк тајмс“.
Иако Иран е подготвен да ги држи отворени каналите за комуникација, тие додадоа дека Иран не им верува на Соединетите Американски Држави и не верува дека американскиот претседател Доналд Трамп е сериозен во врска со преговорите.