САД распоредија беспилотни брзи бродови за поморски патроли како дел од операциите против Иран, објави денес Пентагон, што е првпат Вашингтон да потврди употреба на вакви бродови во активен конфликт.
Пентагон, како што објави Ројтерс, потврди дека американските сили користат беспилотни површински бродови, вклучително и беспилотни брзи бродови, како дел од војната против Иран.
Според Тим Хокинс, портпарол на Централната команда на Пентагон, станува збор за бродови од компанијата „БлекСи“ од американската држава Мериленд, познати како Глобални автономни извиднички бродови (GARC), кои се користат за патролни мисии во регионот на Блискиот Исток.