Обединетите Арапски Емирати (ОАЕ) соопштија дека две лица, еден Пакистанец и еден Индиец, загинале денес откако остатоци од пресретната иранска балистичка ракета паднале на улица во Абу Даби.
Порано во текот на денот, уште три лица беа повредени, а неколку возила беа оштетени, а службите за итни случаи брзо реагираа на местото на настанот. Инцидентот го зголеми вкупниот број на смртни случаи во ОАЕ од остатоци од проектили и беспилотни летала на 11, според „Емирати Галф њуз“, при што две лица загинаа, а три се повредени во денешниот напад.
Во досегашните напади, двајца припадници на вооружените сили на ОАЕ на должност се убиени, како и еден цивил од Мароко ангажиран по договор со армијата, додека осум цивили од Пакистан, Непал, Бангладеш, Палестина и Индија се убиени, а вкупно 169 лица се повредени, со полесни и сериозни повреди.