Во Секторот за внатрешни работи – Скопје, денеска во 3:50 часот e пријавено дека на подрачјето на Шуто Оризари било опожарено патничко возило „ренџ ровер“ со скопски регистарски ознаки, сопственост на 37-годишнaта Ф.О., сопруга на градоначалникот на Општина Шуто Оризари, Курто Дудуш.
– Според пријавеното, сопствениците на безбедносните камери забележале едно маскирано лице, кое истурило течност на возилото, по што веднаш се запалило возилото. Повредени лица нема, а пожарот е изгаснат од екипа на Бригадата за противпожарна заштита – Скопје, информираа попладнево од Министерството за внатрешни работи.
Се преземаат мерки за расчистување на случајот.