Педесет и двегодишен наставник од Скопје е лишен од слобода откако бил пријавен дека вознемирувал ученичка од средно училиште во општина Центар.
Од Министерството за внатрешни работи информираат дека на 9 март 2026 година во 17:30 часот полициски службеници од СВР Скопје го привеле наставникот, постапувајќи по претходна пријава.
Според пријавеното, во периодот од 25 февруари до 2 март 2026 година, тој вознемирувал 18-годишна ученичка и од неа барал да имаат полови односи.
Од МВР велат дека по целосно расчистување и документирање на случајот, против него ќе биде поднесена соодветна пријава.