Снимките до кои дојде Си-Ен-Ен сугерираат дека војската на Соединетите Американски Држави е одговорна за нападот врз основно училиште во јужниот ирански град Минаб, во кој загинаа повеќе од 160 деца, објави американскиот телевизиски канал.
Сè е поверојатно дека Соединетите Американски Држави се одговорни за најсмртоносниот напад со цивилни жртви за време на еднонеделната американско-израелска војна со Иран, објави Си-Ен-Ен, повикувајќи се на сателитски снимки што покажуваат база на ИРГК во непосредна близина на основното училиште, со кратери видливи на местата на неколку згради, вклучувајќи го и училиштето.
Експертите велат дека прецизноста на ударот, кој ги погоди зградите директно во центарот, укажува на употреба на експлозивно оружје, најверојатно лансирано од воздух. Сателитските снимки од декември покажуваат десетици луѓе на она што изгледа како ракометно игралиште во училиштето.
Ѕидот што ги одделува училиштето и базата на ИРГК не укажува на намерно таргетирање на цивилен објект, но извештаите сугерираат дека можеби имало грешка во таргетирањето или проценката на разузнавањето, според Си-Ен-Ен.