На локалниот пат Гевгелија-Граничен премин Богородица, синоќа во 23 часот полициски службеници од Полициското одделение за безбедност на патниот сообраќај Гевгелија го уапсија Ф.С.(46) од Република Турција, кој превезуваше мигранти.
– При сообраќајна контрола, полициските службеници запреле патничко возило „дачија“ кое го управувал, при што во возилото биле затекнати пет лица мигранти, од кои четири лица од Авганистан и едно лице од Турција, велат од МВР.
Лицето е приведено и задржано во Полициската станица Гевгелија, а по целосно расчистување и документирање на случајот против него ќе биде поднесена соодветна пријава.