Италијанската премиерка Џорџа Мелони денес изјави дека Европската Унија треба да формира зона на слободна трговија со САД за да го надмине трговскиот спор меѓу Брисел и Вашингтон, додека воведувањето царини го нарече грешка.
Во интервју за Блумберг, Мелони нагласи дека Унијата треба да оди во „сосема спротивна насока“ од воведувањето царини и да работи на либерализација на трговијата со САД.
„Мислам дека царините меѓу Европа и САД се грешка. Треба да се движиме кон зона на слободна трговија“, рече таа.