Македонската ракометна репрезентација достоинствено, со победа ја заврши групната фаза на Европското првенство.
Пулените на селекторот Кире Лазаров пред малку во Хернинг (Данска) ја совладаа Романија со 24-23 (13-9).
Иако речиси комплетните шанси за прогрес во следната фаза се загубени (постојат само теоретски ако Данска ја совлада Португалија со 18 гола разлика), сепак ова беше важен триумф за „црвено-жолтите“ затоа што ќе бидат во пол-позиција пред ждрепката за Светското првенство 2027 година.
Крилото Костески е нашиот херој, тој со гол во последната секунда донесе прва победа на Македонија на првенството.
Во таборот на Македонија најдобар стрелец беше капитенот Филип Кузмановски со девет постигнати голови, а втор по него е Костески со четири гола.
По три постигнаа Ѓоргиев и Митев.
Кај противникот Нистор броеше до осум гола.