Протестите на земјоделците низ цела Грција влегуваат во нова фаза, со најавени нови блокади на клучна инфраструктура и патишта, како и гранични премини.
Земјоделците во Грција најавија целосна ескалација на протестите, по состанокот одржан во Малгара, каде што беше донесена одлука за порадикални мерки.
Како што беше најавено, едногласно беше одлучено целосно да се затворат патиштата, обиколниците и граничните премини низ целата земја во четврток, 8 јануари, и петок, 9 јануари, во период од 48 часа.
Сè уште не е објавено кои гранични премини ќе бидат опфатени со целосна блокада. Според моменталните информации, граничниот премин Дојран треба да остане отворен, додека преминот Евзони ќе продолжи да работи под ограничен режим дотогаш – ќе биде затворен од 12 до 16 часот и од 18 до 22 часот по грчко време.
