На 4 јануари 2026 година во 00:45 часот, во село Волково, скопско, полициски службеници од СВР Скопје ја лишиле од слобода 40-годишната М.С. од Скопје.
Според информациите од полицијата, претходно, на 3 јануари околу 20:55 часот на улицата „100“ во Волково, М.С. управувајќи патничко возило „мерцедес“ со скопски регистарски ознаки, удрила во пешакот Г.И. (60), жител на селото.
Поради здобиените тешки повреди, пешакот починал на местото на настанот, а смртта ја констатирал лекар од Итната медицинска помош.
Извршен е увид од страна на увидна екипа на СВР Скопје, а по целосно документирање на случајот, против возачката ќе биде поднесена кривична пријава по член 300 од Кривичниот законик.
