Четири српски државјани се повредени во пожар што избувна во бар во швајцарскиот скијачки центар Кран-Монтана, објави денес швајцарската полиција.
Вкупно 119 лица се повредени, а полицијата соработува со девет земји во процесот на идентификација.
Лекувањето на повредените на новогодишната ноќ во Швајцарија може да трае со месеци, изјави Ерик Бонвин, директор на болницата Сион.
Тој рече дека планот за итни случаи веднаш бил активиран кога пациенти со тешки изгореници почнале да пристигнуваат на новогодишната ноќ.
„Навикнати сме на трауми и несреќи при скијање, но ова беа многу сериозни повреди“, изјави Бонвин за телевизиската станица Швајцарската романда.
Кога е изгорена голема површина од кожата, телото повеќе нема никаква заштита, објасни Бонвин.