Украинскиот претседател Володимир Зеленски денес изјави дека мировниот план „нема да ги задоволи“ сите и дека секогаш мора да има компромис.
– Планот нема да биде оној што ќе им се допадне на сите. Секако, има многу компромиси во еден или друг формат на планот. Ги испративме најновите коментари и измени на планот до Соединетите Американски Држави, рече Зеленски.
Зеленски оцени дека мировниот план мора да биде пофер за Украина, откако Русија ја започна војната. Додаде дека планот мора да биде ефикасен, за да не остане само на хартија, туку и да придонесе за завршување на војната.
Зеленски изјави дека планот мора да биде таков што по потпишувањето, Русија нема можност да започне нова војна против Украина. Зеленски во среда изјави дека Киев се согласил за клучните точки од планот за повоена обнова во разговорите со зетот на американскиот претседател Доналд Трамп, Џаред Кушнер, и други високи функционери.