На социјалните мрежи вечерва се појави видео-снимка на која се гледа пожар кој зафати објект во Скопската стара чаршија. На снимките јасно се забележува развиен пламен и интервенција на противпожарните екипи на терен. РЦУК Скопје известува дека избувнат е пожар во 19.43 часот на стара куќа во близина на Црквата Св.Спас во Стара Чаршија. Во гаснењето на пожарот интервенираат 12 пожарникари со 4 ПП возила.
Засега нема официјални податоци за повредени лица, а причините за избувнувањето на пожарот сè уште не се утврдени.
Граѓаните се повикуваат да се држат подалеку од местото на настанот и да ги следат упатствата и препораките од службите за итни интервенции додека трае акцијата.
