Александра Николовска, Мартин Стојановски и Мито Андонов – кандидати за пратеници наместо Бети Стаменковска Трајковска, Јане Мицевски и Дејан Проданоски кои се избрани за градоначалници

Од:

Александра Николовска, Мартин Стојановски и Мито Андонов се кандидатите за пратеници наместо Бети Стаменковска Трајковска, Јане Мицевски и Дејан Проданоски кои беа избрани за градоначалници на локалните избори, заклучи Државната изборна комисија (ДИК) на денешната седница.

Како што образложи претседателот на ДИК, Борис Кондарко, Николовска, Стојановски и Андонов редоследно, според листата на коалицијата „Твоја Македонија“, треба да ги заменат Стаменковска Трајковска, Мицевски и Проданоски.

Пред Стојановски на листата за пратеници од коалицијата е Игор Никовски, но Никовски ја известил ДИК дека не го прифаќа мандатот поради што Стојановски доаѓа на неговото место.

За нвоите тројца пратеници ДИК, рече Кондарко, веднаш ќе го информира Собранието на РСМ.

Претходно денеска, на седница, Собранието констатира дека на Бети Стаменковска Трајковска, Јане Мицевски и Дејан Проданоски им престанаа мандатите за пратеници.

-ДИК констатира дека пратеници во Собранието за остатокот од мандатот ќе бидат Александра Николовска, Мартин Стојановски и Мито Андонов, првите двајца за Изборната единица 1, а Андонов за Изборната единица 4, истакна Кондарко и дополни дека според процедурата, ДИК на избраните пратеници ќе им издаде уверение, а Собранието потоа треба да ги верификува нивните мандати.

Пратеничката Бети Стаменковска-Трајковска е избрана за градоначалник на Кисела Вода, пратеникот Јане Мицевски за градоначалник на Сопиште, а Дејан Проданоски за градоначалник на Прилеп.

ДИК на денешната седница ја усвои и Одлуката за доделување средства на своите вработени, на припадниците на МВР и на другите ангажирани лица за враќање на уредите за биометриска идентификација на гласачите кои се користеа во изборниот процес. Уредите треба да бидат донесени во ДИК, а потоа од нив треба да се избришат и сите внесени податоци.

Би можело да ве интересира

Насилникот во Охрид пуштен, таткото на Сара од вчера  во полициска станица-правда мора да има

Предраг Петровиќ

Европа ги отфрли руските барања за мировните преговори за Украина

Предраг Петровиќ

ЗНМ и ССНМ реагираат: Попречувана новинарка на Телма при известување за инцидентот во Битола

ВМРО-ДПМНЕ: Бетон Герасимовски вети бесплатен, а не субвенциониран оброк за учениците од септември

Предраг Петровиќ

(ВИДЕО) Ако ме напуштиш, ќе завршиш како Росица“: Осум години насилство, страв и закани – потресно сведоштво на Ирена

Предраг Петровиќ

Министерот Клековски: Нездравата исхрана и неактивноста се коренот на проблемот, потребни се радикални превентивни мерки