Двајца загинати, а 13 ранети е епилогот по ноќниот напад врз Киев, објави денес полициската управа во Киев на својот Фејсбук профил.
Како што е наведено во соопштението, телото на 36-годишен маж е извлечено од под урнатините во населбата Десњан во главниот град, а втората жртва е 58-годишен маж од истиот дел од градот, пренесува Укринформ.
До денес во 12:00 часот, полицијата во Киев веќе примила 80 пријави од граѓани во врска со последиците од рускиот воздушен напад.
„Прелиминарните извештаи укажуваат на скршени прозорци, оштетени автомобили и кратер во дворот на станбена зграда“, објавија властите во украинскиот главен град.
Украинските воздухопловни сили соопштија дека собориле четири од девет ракети и 50 од 62 дронови лансирани за време на нападите врз различни цели низ Украина.