Соединетите Американски Држави го укинаа клучното ограничување за употребата на некои ракети со долг дострел од страна на Украина, испорачани од западните сојузници, дозволувајќи му на Киев да ги засили нападите врз цели во Русија, објави „Волстрит џурнал“, повикувајќи се на извори од американската администрација.
Одлуката на САД, која не е објавена јавно, дојде откако овластувањето за координирање на ваквите напади беше префрлено од американскиот министер за одбрана Пит Хегсет на командантот на Европската команда на САД, генерал Алексус Гринкевич, кој исто така ги предводи здружените сили на НАТО во Европа.