Високата претставничка на Европската Унија за надворешни работи и безбедносна политика, Каја Калас, ги поздрави изјавите на американскиот претседател Доналд Трамп за украинскиот конфликт.
„Тој даде многу силна изјава каква што не сме слушнале досега и навистина покажува дека сме на иста страна“, рече Калас, нагласувајќи дека ставот на Вашингтон е важен сигнал во време кога Киев смета на поддршката на западните сојузници.
Сличен тон имаше и францускиот претседател Емануел Макрон, кој, за време на седницата на Генералното собрание на Обединетите нации, рече дека е охрабрен од верувањето на Трамп во отпорноста на Украина.
„Драго ми е што американскиот претседател верува во способноста на Украина не само да преживее, туку и да постигне почитување на своите права“, нагласи францускиот лидер.
Трамп претходно на социјалната мрежа Truth Social нагласи дека Украина, со поддршка на Европската Унија, е способна не само да ги врати своите територии, туку и да „оди уште подалеку“.