Две лица беа убиени во руски напад врз Киев во текот на ноќта, соопштија официјални лица. Шефот на градската администрација Тимур Ткаченко, првично рече дека една од жртвите е едногодишно дете. Сега ја ревидираше возраста на детето на само три месеци.
Мајка исто така беше убиена во нападот, а нивните тела беа извлечени од урнатините од страна на спасувачите утрово, рече Ткаченко.
Жителите на зграда во Киев што беше погодена од дрон утрово се во шок и исполнети со гнев кон Русија, објавува Би-Би-Си.
Russia bombed Kyiv all night. Mother and her baby killed, government buildings on fire, smoke over Maidan. This is war in Europe today. Every “talk” only buys Russia more terror. It must be stopped now. pic.twitter.com/pQJp4OEJRl
— Maria Avdeeva (@maria_avdv) September 7, 2025
Една жителка, Елена, ги опиша застрашувачките моменти од нападот. Таа рече дека прво го слушнала звукот на дрон над зградата, проследено со повеќе експлозии пред дел од зградата да се запали.
„Сите експлозии дојдоа толку брзо, една по друга. Немавме време да стигнеме до засолниште. Не бевме подготвени за ова. Мислевме дека ќе нè пропуштат. Но, не овој пат“, рече Елена додека ги гледаше спасувачите како ги пребаруваат урнатините на нејзиниот дом. Нејзиниот партнер Артем додаде дека ова е најлошиот напад со дрон досега. „Ова е тероризам. Против цивили“, рече тој.